5/07/2012

Burbullandopoemas

Xa volo dixemos, na aula de 1ºD os poemas saen por todas partes.Hoxe burbullamos entre todos esta adaptación do poema Mañá da miña rúa de Luís Pimentel. Estamos seguros de que Pimentel felicitaría a estes novos creadores.





 

Noite da miña tristura.

Entrou a noite na miña tristura,
tan sucia, tan estética e impura
coma un pesadelo contra a felicidade.
Hoxe a miña tristura está pálida,
choran os demos nos faiados das casas?
Eles foron os primeiros que pasaron
cos seus afiados dentes:
dous cachos de tristeza alongados
caían sobre un negro agresivo.
As cadeas durmidas
ollábanos tristes, estridentes.

Furacán furioso, escuro,
un desastre en masa.
A tristeza perdura cerca
coma se fose á morte.
O desastre atópanos.
Alumnas e alumnos de 1ºD.

E este é o poema que nos prestou Luís Pimentel, moito máis optimista, non cabe dúbida.
Mañá da miña rúa.

Entrou a mañá na miña rúa
tan limpa, tan redonda e pura
coma unha mazá sobre un espello.
Hoxe a miña rúa está aberta,
xogan os anxos nas cornixas das casas?
ela foi a primeira que pasou
cos seus ledos cadrís,
dous cachos de luz combados
abalaban sobre un negro tenro.
As xanelas espertas
ollábana caladas, ditosas.

Torbeliño brillante, veloz,
un neno en bicicleta.
A rúa remata lonxe
coma se fose ao mar.
O neno pérdese.
Luís Pimentel. Sombra do aire na herba.

8 comentarios:

  1. !! Noraboa a todos os nenos e nenas de 1ºD !!

    ResponderEliminar
  2. Encantoume facer este poema cos meus compañeiros e coa miña profesora de Lingua Galega.Grazas!

    ResponderEliminar
  3. Milena S. Rodíguez Quiroga 1ºD Nº 218 de maio de 2012, 21:12:00

    Encantoume facer o poema cos meus compañeros e compañeiras e coa miña profesora de Lingua Galega.
    Grazas!

    ResponderEliminar
  4. Gústame moito! Esta moi ben escrito e é moi bonito, as miñas felcitacións!

    ResponderEliminar
  5. Sí , noraboa a todos os alumnos de 1ºD
    Martín Loureiro Cal 1ºA

    ResponderEliminar
  6. A nós nunca se nos ocorreria facer un poema.Foi uha boa idea. E un bo poema. A miña noraboa.
    MARTÍN LOUREIRO CAL 1ºA Nº13

    ResponderEliminar