45 Edición dos Premios Literarios MINERVA !!!

 

Xa está aquí a 45 Edición dos Premios Literarios MINERVA !!! Un certame anual, en lingua galega e modalidades POESÍA e NARRACIÓN, dirixido a alumnos de 3º y 4º de ESO e de Bacharelato, que cursen estudos en Galicia, e que non teñan cumpridos 20 anos o 31 de decembro de 2017.

MODALIDADES: Traballos orixinais e inéditos sempre. En poesía, conxunto de tres poemas, de tema e forma libres. En narración, máximo seis folios mecanografiados a dobre espazo e tema libre.

PRESENTACIÓN: Seis exemplares en papel e unha copia en soporte informático (Arial 12), con título e pseudónimo e sen o nome do autor. Nun sobre pechado introduciranse os datos personais do autor (nome, idade, enderezo, tlf particular, curso e Centro onde estudia, selados polo Seminario de Galego do mesmo). No exterior do sobre pechado únicamente figurará o pseudónimo ou lema e o título da obra. Traballos e plica enviaranse conxuntamente a "PREMIOS LITERARIOS MINERVA". Colexio M. Peleteiro. Monte Redondo- Castiñeiriño. 15702 SANTIAGO DE COMPOSTELA

PREMIOS: 3 en cada modalidade, de 600, 400 e 250 €, medalla de prata conemorativa e publicación das obras galardoadas nun libro editado polo Colexio M. Peleteiro. Se na opinión do Xurado a calidade das obras o amerite, poderán outorgarse accésits. Os premios poderán declararse desertos.XURADO: Serán escritores e profesores de Lingua ou Literatura de distintos centros de ensino de Galicia, e darase a coñecer con antiipación.

PRAZO DE PRESENTACIÓN: Ata o 31 de Xaneiro de 2017.

FALLO E ENTREGA DE PREMIOS: O fallo farase público o 4 de marzo, nos medios de comunicación e na nosa web. A entrega de premios terá lugar o 30 de marzo, nun acto literario no Colexio. Nel, os agasallados deberán ler, total ou parcialmente, a súa obra. Esta quedará en propiedade do Colexio organizador.

Xa sabes... Anímate a participar e difúndeo... !

"O MEU PLAN PARA CAMBIAR O MUNDO"

 

VIII PREMIO DE POESÍA EDUARDO PONDAL

O I.E.S. de Ponteceso convoca o VIII PREMIO DE POESÍA “EDUARDO PONDAL”, segundo as seguintes BASES:

 1.- Poderán presentarse ao premio os alumnos dos IES públicos de toda Galicia, en calquera das dúas modalidades que se convocan: ESO e BACHARELATO. Non poderán presentarse nunha modalidad os gañadores dela no ano pasado.

 2.– Optarán ao premio os traballos orixinais e inéditos escritos en lingua galega que non foran premiados anteriormente en ningún outro concurso. O autor responde da autoría e orixinalidade da obra presentada ao Premio, así como de non ser copia nin modificación de obra allea.

 3.- Os traballos, consistentes nun só poema ou conxunto de poemas breves, terán unha extensión máxima de 75 versos. O tema, medida e rima serán libres.

4.- Os concursantes presentarán tres copias mecanografadas a dobre espazo e por unha soa cara, ou a ordenador (letra Arial, tamaño 12) Estas copias levarán soamente título do poema e pseudónimo, sen firma. Acompañará ás copias un sobre pechado (plica), co título da obra e o pseudónimo do autor ou autora escrito no exterior, e no seu interior indicarase: - Nome, apelidos, dirección e teléfono do autor ou autora. - Título da obra presentada. - Centro e curso no que estuda o autor ou autora.

 5.- As obras entregaranse na Secretaría do centro ou remitiránse ao IES de Ponteceso, rúa Teresa Mosquera Manso s/n, 15110, Ponteceso (A Coruña), facendo constar no sobre: VIII PREMIO DE POESÍA "EDUARDO PONDAL". O prazo de admisión de orixinais rematará o 29 de maio de 2015, tendo en conta para tal efecto a data do mataselos nos envíos por correo.

6.- Establécese un premio de 100 euros (50€ en metálico e 50€ en tarxeta regalo) máis un agasallo literario para cada unha das dúas categorías en concurso: alumnos de ESO e alumnos de BACHARELATO

 7.- Os premios poderán ser declarados desertos, se así o estima o xurado.

8.- Os premios entregaránse durante os actos organizados para tal fin no IES de Ponteceso, de cuxas datas informaráse debidamente aos gañadores

 9.– As obras premiadas serán publicadas na revista do centro Mariantella.

 10.- Durante os 30 días seguintes conservaranse os orixinais enviados, que poderán ser recollidos en persoa. Transcorrido este prazo, os traballos non recollidos serán destruídos.

11.- A participación neste concurso implica a total aceptación das súas bases.

Convocado o XLVI Concurso Literário de Contos de nenos para nenos da A. C. O Facho

BASES DO CONCURSO

1. Poderám participar rapazes e raparigas que pressentem as suas obras em Língua galega. Os trabalhos presenteados deveram ser originais e inéditos em toda a sua extensom.
2. O prazo de admissom de originais finaliza o dia 31 de Março de 2014 às doce da noite.
3. A apresentaçom de originais para o Concurso fará-se por correio postal dirigido à sede da Associaçom Cultural O FACHO. R/ Frederico Tápia, 12-1º 15005. A Corunha. Podendo fazer individualmente ou por médio do centro onde curse os seus estudos.
4. No caso em que sejam os centros escolares os que pressentem os originais ao Concurso, deveram fazer umha pré-selecçom dum máximo de dous trabalhos por categoria, qualquer outro terá que ser apresentado individualmente.
5. As obras haverem de serem relatos originais e nom estarem editados por nengum procedimento impresso ou electrónico, nem terem sido premiados em qualquer outro concurso ou certame literário e em condiçons para que os seus direitos de publicaçom podam ser cedidos à Associaçom Cultural O FACHO por período de cinco anos contados a partir do dia do falho do júri.
6. Para além da originalidade literária, o júri valorizará a riqueza lingüística e o conhecimento gramatical reflectido nas obras.
7. Estabelecem-se duas categorias:
- Categoria A. Nenos e nenas de 6 a 12 anos.
- Categoria B. Rapazes e rapazas de 13 a 16 anos.
8. As quantias dos prémios serám as que seguem:
- Categoria A.
* 1º: 100.- € em efectivo e um lote de livros doados pola Editorial Galáxia.
* 2º: 100.- € em efectivo e um lote de livros doados pola Editorial Galáxia.
- Categoria B.
* 1º: 100.- € em efectivo e um lote de livros doados pola Editorial Galáxia.
* 2º: 100.- € em efectivo e um lote de livros doados pola Editorial Galáxia.
9. Cada autor só poderá apresentar umha obra atendo-se aos seguintes limites de extensom:
- Categoria A. Um máximo de cinco fólios.
- Categoria B. Um máximo de dez fólios.
10. As obras haverám de se apresentar por duplicado, manuscritas ou mecanográficas, encadernadas ou grampadas e levaram por detrás do último folio os seguintes dados:
- Nome e apelidos do autor/a.
- Endereço e telefone. Correio electrónico.
- Centro onde cursa os seus estudos.
- Categoria na que participa.
11. Os prémios serám escolhidos por um júri nomeado pola Associaçom Cultural O Facho em falho que se fará público no mês de Maio.
12. O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as dúvidas na sua interpretaçom.
13. A participaçom neste Concurso implica a aceitaçom das presentes bases.

Correo electrónico: o_facho_a_cultural@yahoo.com.br

A Corunha, 31 de Janeiro 2014

CIENCIA QUE CONTA, CONCURSO DE RELATOS

BASES DO CONCURSO

Ciencia Que Conta é un concurso de relatos curtos relacionados coa ciencia. En xeral trátase de relatar poñendo en valor a importancia da I+D+i no desenvolvemento económico e benestar dunha sociedade –nomeadamente a galega- e un maior recoñecemento social destas actividades, así como un achegamento ao traballo científico e ás profesións de científicos e tecnólogos.

1. Participantes.

A convocatoria vai dirixida ao alunado de Educación Primaria, Institutos de Educación Secundaria e público en xeral. A participación neste concurso supón a aceptación de todas as súas bases. As obras serán de autoría individual ou cun máximo de dous autores, tendo en todo caso un único premio ao relato.

2. Presentación dos traballos.

Os traballos presentados deben ser orixinais, inéditos e escritos en língua galega. A extensión máxima será de 1000 palabras (aproximadamente tres follas DIN A4). Os traballos enviaranse exclusivamente ao seguinte enderezo:
http://www.cienciaqueconta.com/participa

Indicaranse os datos persoais do autor ou autora (nome e apelidos, data de nacemento, enderezo, teléfono e estudos que cursa) e do seu centro de ensino (nome, enderezo e teléfono), de ser o caso. Nun arquivo adxunto irá o relato, encabezado polo título e o pseudónimo, sen datos persoais. Desde a organización enviarase de volta un correo electrónico confirmando a recepción do relato.

Para calquera aclaración poden dirixirse a contacto@cienciaqueconta.com

3. Prazos.

O prazo de recepción dos traballos remata o 16 de novembro de 2013. As resolucións do Xurado publicaranse na web http://www.cienciaqueconta.com/

Comunicarase por correo electrónico aos gañadores ou a través do seu centro de ensino.

A entrega de premios farase nun acto público.

4. Categorías.

a) Alumnado de Educación Primaria.
b) Alumnado de Educación Secundaria Obrigatoria.
c) Alumnado de Bacharelato e Ciclos de FP.
d) Público en xeral.

5. Tema dos traballos.

Non pretenden ser relatos de ciencia ficción nin artigos sobre ciencia nin meras descricións. Procúrase que –en función da idade-se desenvolva un relato curto ou conto a partir dun aspecto científico puntual ou da observación dalgún fenómeno ou experimento simple. Valorarase sobre todo a calidade do traballo e o acerto no contido científico.Os temas a desenvolver nos relatos poderían ter como punto de partida:

• Historias de Ciencia: como se inventou algo, como se solucionou algún problema que había na sociedade utilizando a ciencia, un descubrimento, etc.
• Traballo no laboratorio ou científico: cousas que pasan nun laboratorio, no traballo dun científico ou científica, nas exploracións da natureza, etc.
• Experiencias: ficcións arredor de experiencias simples (ou caseiras), observacións da nosa vida cotiá (na rúa, na cociña, na praia, na festa, nas atraccións de feira, etc.).
• Científicos e científicas: baseado en algún persoeiro científico, algún detalle da súa vida, algunha anécdota, como fixo algún descubrimento, como se lle ocurriu ou elaborou algunha teoría ou lei. Non debe ser unha mera descrición da súa vida. Valoraranse relatos que inclúan mulleres como protagonistas ou arredor de historias de mulleres.
• Na web: http://www.cienciaqueconta.com pódense ler as publicacións resultantes dos concursos anteriores.

6.  Comité Organizador e Xurado.

O Comité Organizador está formado polos membros do Grupo DIVULGATIA, da Universidade de Vigo.

O Xurado, nomeado polo Comité Organizador, estará formado por persoas relevantes no campo da divulgación científica, o xornalismo, a literatura ou o ensino das ciencias. As resolucións do Xurado serán inapelábeis.

A presentación das candidaturas supón a conformidade dos participantes coas bases. Calquera cuestión non recollida nelas será resolta a discreción da organización. Os participantes comprométense a xustificar a veracidade dos datos que faciliten sobre as candidaturas presentadas.

7. Premios.

Para cada categoría haberá tres premios:

Primeiro Premio:

Diploma acreditativo.

Tablet.

Segundo Premio:

Diploma acreditativo.

Lote de libros, xogos ou material relacionado coa ciencia adaptados á sua idade.

Terceiro Premio:

Diploma acreditativo.

Lote de libros, xogos ou material relacionado coa ciencia adaptados á sua idade.

Nas categorías de Educación Primaria e Secundaria poderá haber ademais dous accésits. Os premios poderán declararse desertos.

Os premiados menores de idade deberán acudir a recoller o premio acompañados do seu pai, nai ou titor legal ou cunha autorización expresa destes.

A organización declina cualquer responsabilidade sobre conflitos de propiedade ou cesións de dereitos relativos as candidaturas.

8.  Reprodución das obras. Dereitos de imaxe.

As obras seleccionadas serán publicadas na web: http://www.cienciaqueconta.com a partir do 3 de decembro de 2013. Logo da resolución do concurso, como en edicións anteriores, publicarase un libro cunha selección dos mellores relatos presentados ao concurso.

De conformidade co previsto na Lei de Propiedade Intelectual, todos os participantes cederán os dereitos en exclusiva de reprodución e difusión das obras presentadas sen necesidade de permiso expreso e sempre que se identifique o nome do autor ou autora. O Comité Organizador poderá publicar as obras presentadas co único requisito de facer referencia á autoría e resérvase o dereito de exposición e distribución dos traballos presentados.

Os autores ceden aos organizadores de xeito exclusivo e coa facultade de cesión a terceiros, os dereitos patrimoniais de explotación das obras obxecto do presente concurso. O Comité Organizador comprométese a exercitar os dereitos de explotación conforme aos bos usos e con rigoroso respecto aos dereitos morais do autor ou autora.

Os participantes conceden ao Comité Organizador o dereito a gravar e utilizar a súa imaxe e voz en actos derivados do presente concurso.

9. Aclaracións sobre estas bases.

Calquera aclaración, puntualización ou rectificación destas bases farase pública na web:

http://www.cienciaqueconta.com

Protección de datos
Os datos persoais dos participantes no Concurso, os dos seus profesores e os dos pais ou titores legais que autorizan a súa participación serán incluídos nos ficheros que a Fundación Barrié ten debidamente inscritos na Axencia de Protección de Datos e que cumpren todos os requisitos da Lei Orgánica 15/1999 e do Real Decreto 1720/2007 que a desenvolve. Todos os datos solicitados aos participantes e aos seus profesores son necesarios para a súa inclusión no concurso e serán destinados á xestión e organización do mesmo. O nome e a imaxe dos concursantes e dos seus profesores, así como o nome dos centros aos que pertencen, poderán ser obxecto de comunicación pública nas actuacións presentes ou futuras que poida levar a cabo a Fundación Barrié sempre que ditacomunicación pública estea relacionada coa súa participación no concurso. Quedan recoñecidos, no entanto, os dereitos de acceso, rectificación, cancelación e oposición, que poderán ser exercidos, previa acreditación da personalidade ou da representación, na dirección de Cantón Grande, 9 – 15003 (A Coruña).

III CONCURSO DE CREACIÓN LITERARIA CONCELLO DE BETANZOS

Rapazas e rapaces do Francisco Aguiar, demostrade o que sodes quen de facer e dádelle choio ao xurado!

Velaí van as bases para a categoría xuvenil (relato curto e poesía):

PRIMEIRA. Participantes

Poderá participar todo o alumnado que estea a cursar a ESO, o Bacharelato ou os ciclos formativos ata os 18 anos nos centros de ensino de Betanzos.

SEGUNDA. Tema e contido

O tema é libre tanto nos relatos como na poesía

TERCEIRA. Formato

Establécense dúas modalidades de participación, relato curto e poesía. O relato curto deberá ter unha extensión máxima de cinco follas e no caso da modalidade de poesía poderanse presentar ata cinco poemas.

Os orixinais deberán estar mecanografados a espazo e medio por unha soa cara con letra Times New Roman ou Arial, tamaño 12 puntos ou similar. Validarase a calidade estética e lingüística e a orixinalidade.

Os traballos deberán presentarse en lingua galega. As persoas participantes concorrerán cunha única obra orixinal, inédita e individual. Nos traballos deberán constar os seguintes datos: nome e apelidos, idade, enderezo, teléfono, curso e centro.

CUARTA. Presentación

O prazo de entrega dos traballos está aberto do 29 de abril ata o día 15 de maio de 2013. As creación poderanse entregar nas secretarías do IES Francisco Aguiar, do IES As Mariñas e do CPR Nosa Señora do Carme “Atocha”, no Servizo de Normalización do Concello de Betanzos (Casa do Concello, 2.º andar) ou no enderezo electrónico: normalizacion@betanzos.net. A convocatoria deste concurso e as súas bases publicaranse no Boletín Oficial da Provincia da Coruña, así como na páxina web do Concello de Betanzos (www.betanzos.net).

QUINTA. Premios

Establécense diferentes categorías para a participación. Haberá dous premiados en cada unha das categorías, un primeiro premio e un accésit. Na categoría do alumnado da ESO (12-16 anos) haberá un primeiro premio de 300 euros e un accésit de 150 euros. Na categoría do alumnado de Bacharelato e ciclos formativos (16-18 anos) haberá un primeiro premio de 300 euros e un accésit de 150 euros.

CERTAME LITERARIO NA MAGDALENA E A CONDOMIÑA

Bases concurso de escritura!

Cos obxectivos de fomentar a cultura e a educación, incentivar a creatividade literaria e
achegar a literatura ao público en xeral, a Asociación de Veciños da Magdalena e a
Condomiña convoca un concurso literario coas seguintes bases:

1. Poden presentarse autores e autoras de calquera nacionalidades, existindo dúas
categorías: a infantil ata os 14 anos e a adulta dos 15 anos en diante.

2. As obras poderán ser escritas en castelán ou galego, sendo estas inéditas e non
premiadas.

3. O tema do traballo estará relacionado ca palabra chave escollida para esta
primeira edición: o barrio.

4. Haberá dúas modalidades: a de poesía cunha extensión máximo de 50 versos e a
de relato curto cunha extensión máxima de seis páxinas.

5. Cada persoa poderá presentar un máximo de dous traballos.

6. O modo de entrega poderá ser por correo electrónico a asociaciondamagdalena@gmail.com  enviando adxunto a copia do traballo e noutro documento os datos do autor ou da autora: nome, DNI, dirección, teléfono e ocupación. Tamén poden ser presentados por correo ordinario na dirección Avenida Fraga Iribarne, nº 78, 4ºC, Betanzos (A Coruña), CP. 15300. Neste caso deberá conter dúas copias do traballo e un sobre pechado cos datos do autor: nome, DNI, dirección, teléfono, email e ocupación.

7. O prazo de entrega rematará o día 17 de maio, Día das Letras Galegas.

8. O xurado estará composto polo poeta Xosé Carpenter, a enxeñeira naval Elizabeth Riva, o avogado Luís Xesús Sánchez, a documentalista María Pereira, a escritora Elena Veiga, o escritor Xesús Fraga, o historiador Julián Ferrer e a poetisa Gabriela Rodríguez.

9. O premio consistirá nun diploma acreditativo, nunha xira ao campo dos Caneiros, un lote de libros e un agasallo sorpresa por parte da Asociación de Veciños.

10. A decisión do xurado será comunicada o día 31 de maio e haberá posteriormente un acto público para dar a coñecer os traballos.

11. As obras premiadas pasarán a formar parte do patrimonio da Asociación de Veciños da Magdalena e a Condomiña que terá a decisión de publicala nos medios que crea conveniente.

12. A participación nesta convocatoria implica a aceptación das súas bases e a decisión do xurado que será inapelable.

A Presidenta da Asociación de Veciños da Magdalena e a Condomiña,
Yolanda Pascual Izquierdo

A ESCRIBIR SEN MEDO!

Bases:

1.E isto que vén sendo?
Urco, a editora pioneira na edición de literatura fantástica en lingua galega convoca o: I Premio Urco de Relato Fantástico

2.E logo por que?
A mellora da capacidade lectora e o fomento da creación literaria entre a mocidade, así como dar a coñecer a literatura de xénero fantástico.

3.A quen vai dirixido / quen pode participar / que teño que facer?
Poderá participar calquera alumno de secundaria dos centros públicos da Galiza, presentando como máximo un relato por cada categoría.

4.Como participo?
Fase 1: inspiración
Todos os grandes escritores en potencia teñen que se inspirar nos mestres da súa época e do pasado, daquela deberás ler, cando menos, un dos seguintes libros, que estarán encadrados en cadansúa categoría:

A praga escarlata, Jack London
Categoría «Horizontes escuros»

Nas montañas da loucura, H.P. Lovecraft
Categoría «Teño medo, mamá!»

O mundo secreto de Basilius Hoffman: O ladrón de soños, 
Fernando M. Cimadevila
Categoría «Fantasías aventureiras»

O xogo de Ender, Orson Scott Card
Categoría «O distante e fantástico futuro»

Fase 2: a choiar!
Despois dunha conveniente dose de inspiración, toca sacar o mellor de cada un e escribir o noso conto fantástico.
Os relatos terán que estar escritos en lingua galega e ser orixinais e inéditos.
A extensión será de dez folios como máximo, tamaño DIN A4, por unha soa cara, a dobre espazo, xustificado e cunha fonte Garamond a tamaño 12.
Os traballos escritos en Comic Sans serán directamente descartados sen ler 

5.Onde e como os mando?
O enderezo para envialos é o seguinte:
Urco Editora / Rúa do Avío 11, baixo / 15705, Compostela, Galiza

Debes enviar 2 sobres separados, un co relato ou relatos (non os asines!!!) e outro cos datos persoais. Este procedemento serve para que o xurado lea os contos sen saber de quen son e así garantir que os premios se repartirán só en función da calidade. Ambos os dous sobres deben ter o mesmo tamaño e levar por fóra o título do conto ou contos, a categoría ou categorías a que se adscriben e o pseudónimo co que os asines.
Sobre 1: Conterá unha folla cos datos reais da autora ou autor (nome e apelidos, centro docente e datos de contacto, título do relato ou relatos e categoría ou categorías nas que participa).
Sobre 2: Aquí terás que meter a túa obra mestra, unha ou varias, segundo participes nunha categoría ou en máis.

6.E canto teño que bulir?
O prazo de recepción de orixinais finaliza o 26 de abril de 2013.

7.Como se escollen os gañadores?
Urco Editora seleccionará, de entre todos os presentados, tres relatos por cada categoría para seren publicados nunha obra colectiva. Estes relatos serán os finalistas do concurso, de entre os cales un xurado elixirá os catro gañadores; un en cadansúa categoría.
O xurado estará formado por profesionais reputados do mundo da literatura e a cultura galegas.

8.E que gaño, se gaño?
O premio para os finalistas consistirá nun lote de libros e a publicación do seu conto nun volume colectivo. Os gañadores de cada categoría recibirán, alén do lote de libros e a publicación, un dispositivo e-reader cargado con varios títulos da editorial.

9.E cando sei se gañei?
A entrega de premios terá lugar a finais do mes de maio, en Compostela. Todos os participantes serán convidados ao acto.
A obra colectiva de gañadores e finalistas estará a disposición do público desde o mesmo día da entrega de premios.

10.A quen me dirixo se teño algunha dúbida?
Para calquera dúbida podes contactar connosco a través do correo electrónico davidcortizo@urcoeditora.com.
As dúbidas non resoltas ou calquera continxencia sobre estas bases serán resoltas pola organización e, no seu caso, polo xurado.

11.Que se vai facer cos orixinais?
Os participantes poderán pasar pola editora a recoller os seus orixinais até o 30 de Xuño, pasado ese tempo procederase á súa reciclaxe.

12.O feito de participar no concurso supón a aceptación das presentes bases.

A ESCRIBIR SEN VERGOÑA!

Bases do Certame de Narración Curta Trágame Curtis

AMPLIADO O PRAZO DE ENTREGA DE TRABALLOS ATA O 28 DE FEBREIRO