Un novo relato de noso

Martín Gómez, de 1º A, envíanos este relato negro ou policiaco, ao que non lle puxo título. ¿Que vos parece? (Os que enviedes textos de creación podedes acompañalos dunha imaxe).

Escoitouse un estrondo. Aparece o cadáver do señor Yokoshima. Todos berran, ata que alguén decide poñerlle fin aos berros. Todos se intentan tranquilizar, pero resulta case imposible ante a noticia de que hai un morto. O inspector Nagasaki coméntalle ao seu amigo Hiroshi:

-Sei quen é o asasino, pero non sei nin como o fixo nin por que o fixo. O asasino é o Dr. Takahashi, pero necesito unha proba, unha soa proba para poder metelo entre reixas.

O inspector Nagasaki observa como o Dr. Takahashi deixa disimuladamente unha pistola enriba dunha mesa na que ninguén repara. Ao cabo dun anaco, Nagasaki colle a pistola e decátase de que as balas coinciden coas atopadas no corpo do señor Yokoshima.

Pero esa pista non lle servía, xa que calquera podería ter unha pistola así.

Hiroshi, o amigo do inspector, sabía por que este lle tiña tantas ganas ó doutor. Porque o Dr. Takahashi lle quitara o gran amor da súa vida, a hermosísima Misae. Hiroshi tamén repelía ó doutor, porque el tamén estaba namorado de Misae, pero era practicamente imposible a misión de casar con ela, xa que nos vinte anos que levaban sendo amigos nunca se lle declarara e agora era moi tarde porque ela estaba casada co Dr. Takahashi. El só quería que a súa amada fose feliz, aínda que fose con outro home.

¿Que tiña que facer, axudar ao seu amigo o inspector ou protexer ó marido de Misae para que esta fose feliz?

¿ A amizade ou o amor? “Un dilema moi grande para un ser humano” pensou.

                            Martín Gómez, 1º A