Isto rematou!!!

 

Por fin, acabou o curso. Mañá comezamos un merecidísimo descanso (aínda que para uns será máis descanso que para outros, depende dos resultados).
Bo verán a todos e ata setembro.

DE PRIMEIRA!!

Non só o noso fútbol, @s nos@s rapaces tamén son poetas de primeira:

Desexo máxico que ilumina

Esperanza celestial que te excita

Paixón desesperada que te desgarra
Orgullo galego que dá forza 

Ruxido felino que te esperta

Tremor intenso que che gusta

Ilusión poética que te relaxa

Voo poderoso que te eleva

Obsequio erótico que te acende

          (Poema colectivo de 1ºA)

A garota de Ipanema

Este vídeo vímolo na clase, despois de ler o comentario do noso amigo Nelson. Grazas, Nelson.

Linguas cruzadas

Este é o documental Linguas cruzadas que estivemos visionando na clase, deste xeito podedes repasalo.

Os nosos poemas

Ben, despois dun periodo tan creativo, que esperemos que continúe xa para sempre, logramos facer este pequeno libro onde recollemos algunhas  das nosas creacións. Non poden estar todos os poemas, porque senón sería un libro infinito, pero si contén unha boa mostra do traballo feito ao longo deste tempo. Temos que felicitar a todos os creadores, porque o entusiasmo demostrado foi moi grande, poucas veces unha actividade os engachou tanto. Parabéns a todos. E seguide así. Facédelo moi, pero que moi ben.

Os nosos poemas

Publish at Calaméo or browse others.

"Digo Fragas do Eume" de Marta Rosende

Cando buscabamos temas para o noso poema colectivo versionando "Digo Vietnam" Marta propuxo denunciar a catástrofe ecolóxica ocorrida co incendio das Fragas do Eume. Ao final gañou o tema da crise, pero Marta seguiu coa súa idea. Esta é a  súa denuncia:

Digo axencias EFE

a penas digo nada.

Digo fraga e incendio

de lume ameazador.

Digo árbores de Galicia,

calor de tarde e bosque,

temor de extinción e tristeza.

Avións, helicópteros, brigadas,

axentes forestais, motobombas.

Digo incendio devastador,

velocidade de vertixe, lume, suor, devoramento.

Auxilio, falta de luz, contaminación

e escuro ceo na fraga.

Digo 700 hectáreas queimadas,

a penas digo nada.

Digo incendio inmenso,

devorador de hectáreas,

Digo temor, lume,

vento, revolución,

velocidade, sequía, inquietude, pobreza natural,

medo, parque natural.

Digo inconsciencia que causa desgrazas.

A penas digo nada.

Digo Fragas do Eume e xa está todo dito

cunha soa palabra.

Para denunciar a deforestación no mundo

digo Fragas do Eume e basta.

Marta Rosende 1ºD