DAHL , Roald: Charlie e a fábrica de chocolate. Ed. Xerais , 1ª edición , Vigo 2005.
O señor Willy Wonka é o mellor no seu traballo : fabricar lambonadas tales coma xeados que non se derreten, chicles que non perden o seu sabor ...
Un día agachou cinco billetes dourados nas súas chocolatinas, e quen as encontrase podería visitar a súa fábrica .
Charlie Bucket é un neno de pais moi pobres que vive nunha cabana xunto con seis persoas máis . Charlie vai ter a sorte de encontrar un . Esa visita á fábrica mudará a súa vida por completo .
Este libro gustoume moito dende o principio , porque os personaxes e a historia é moi orixinal . Tamén me gusta porque Charlie , que era pobre e vivía en malas condicións, puido cumprir o seu soño .
Recomendo este libro a persoas de calquera idade porque ninguén é demasiado maior para lelo .
Maia Alejandra López Méndez 1ºC
Moi recomendable a versión cinematográfica dirixida por Tim Burton, no ano 2005, e protagonizada por Johnny Depp (que interpreta a Willy Wonka). Foi filmada en Yorkshire, Reino Unido e é a segunda adaptación da novela. A primeira filmouse no ano 1971 e aquí levou o título Un mundo de fantasía.
E falando de fantasía, quizais, algún día, nós tamén poidamos ir ao cine na nosa lingua.
E falando de fantasía, quizais, algún día, nós tamén poidamos ir ao cine na nosa lingua.
Ningún comentario:
Publicar un comentario